Xəbər agentliklərinin bildirdiyinə görə, ABŞ prezidenti Co Baydenin administrasiyası Pfizer-in 10 milyon insanın müalicəsini nəzərdə tutan yeni eksperimental COVID-19 həbbi almaq üçün 5 milyard dollar xərcləməyi planlaşdırır.
Bu açıqlama ABŞ-ın dərman istehsalçısının Birləşmiş Millətlər Təşkilatının dəstəklədiyi Cenevrədəki Medicines Patent Pool-la dərman istehsalçılarının 95 ölkə üçün eksperimental COVID-19 həbbini istehsal etməyə icazə verməklə bağlı müqaviləni imzaladığını elan etməsindən bir gün sonra verilib.
Müqaviləyə əsasən bu dərman preparatı dünya əhalisinin təxminən 53%-ni təşkil edən aşağı və orta gəlirli ölkələrə təqdim ediləcək.
Pfizer Paxlovid adlı yeni həbbinin yüngül və orta dərəcəli koronavirus xəstələrinin xəstəxanaya yerləşdirmə və ölüm riskini təxminən 90% azaldır. Müstəqil ekspertlər ümidverici nəticələrə görə Pfizer-ə tədqiqatını dayandırmağı tövsiyə edib.
Çərşənbə axşamı Pfizer və Medicines Patent Pool arasındakı razılaşma Pfizer-in ABŞ Ərzaq və Dərman İdarəsinə dərmanın təcili istifadəyə icazə verilməsi üçün müraciəti ilə üst-üstə düşüb.
Pfizer COVID-19 peyvəndi dozalarının 1%-dən az olduğu aşağı gəlirli ölkələrdən ödəniş almayacaq. Şirkət, həmçinin COVID-19 ictimai sağlamlıqda fövqəladə hal olaraq qaldığı halda, müqavilənin əhatə etdiyi bütün ölkələrdə satış qonorarından imtina edəcək.
