Bakıda inkluziv voleybol oyunu keçirilib. İnkluziv voleybol yerdə oturulub oynanılan oyundur. Oyun əlilliyi olan şəxslərlə əlilliyi olmayan şəxslər arasında keçirilib. Tədbirin təşkilatçılarından biri olan Ayxan Əsgərov deyir ki, bu oyun əlliliyi olan şəxslər və əlilliyi olmayan şəxslər arasında onların inteqrasiyası üçün keçirilib. Həsən Hüseynzadə ikinci qrup əlildir. Tədbiri əlilliyi olan şəxslərin cəmiyyətə uyğunlaşması baxımından uğurlu hesab etdiyini deyir. Belə tədbirlərin daha çox olmasını arzu edir. Kəmalə Babayeva da tədbirin iştirakçılarından biridir. "Biz bununla hər şeyə qadir olduğumuzu sübut edirik və tək istək yetər ki, insan hər şeyə nail olsun," o bildirib.