Bakıda İkinci “Animafilm” Beynəlxalq Animasiya Festivalı keçirilib. Festival Azərbaycan animasiyasının 50 illiyinə həsr olunub. “İkinci “Animafilm”in mövzusu Çexiya animasiyasıdır. Tədbir zamanı yunan və çex cizgi filmlərinin təqdimatları, müsabiqə proqramları və digər tədbirlər keçirilib. Festivalın şüarı “Ənənə və inkişafa yeni baxış” adlanır. Festivalın icraçı direktoru Afaq Yusifli qeyd edib ki, burada uşaqlar və böyüklər üçün çəkilmiş onlarla yerli və xarici animasiya filmləri təqdim edilib. 50 ölkədən 250-dən çox müraciət edilsə də, müsabiqədə 54 film iştirak edib. Festivalda “Tıq-tıq xanımın” müzakirəsi təşkil olunub. Senari müəllifi İntiqam Qasımzadə müzakirə zamanı cizgi filmi barədə danışıb.