Açıq havada Şekspir

Nyu York şəhərində hər gün onlarla pulsuz mədəni hadisə baş tutur. Kilsələrdə keçirilən klassik musiqi konsertlərindən tutmuş, Tayms meydanında göstərilən sehirbaz şoularına kimi.
Belə tədbirlərdən biri də açıq havada Uilyam Şekspirin əsərlərini izləməkdir. Şəhər parklarında canlı tamaşa qurulur. Aktyorlar elə parkda səhnə geyimlərini geyinərək şəhər sakinlərinə tamaşa göstərir. Beləliklə, tamaşaçılar evlərinin yanındakı parkda ikən, birdən-birə Şekspir dövrünə səyahət edə bilir.