“Rəsm jewelry” 7 il öncə Azərbaycanın milli mədəniyyətini təbliğ etmək üçün yaradılıb. Bütün zinət əşyaları dizaynın tarixi mahiyyətini, bəzəkləri izah edən fərdi təsvirlərlə təmin olunur. Rəsminə Qurbatova milli brendimiz haqqında danışıb. Aid olduğu dövrdən asılı olmayan bir xarakterə malik olmaqla yanaşı, "Rəsm" əcdadların yaşadığı bir aləmə qatılmağa imkan verir. Rəsminə Qurbatova deyir ki, xarıbülbül Azərbaycana məxsus olan orxideya növüdür. Xarıbülbül haqqında müxtəlif hekayələr var. Bu hekayələrdən və gülün gözəlliyindən ilhamlanıb belə bir kolleksiya yaradıb. Rəsminə Qurbatova, ilk öncə xalçalarda olan simvolları araşdırıb, onların naxışlarından ilhamlanıb. Azərbaycanın mədəniyyəti, ənənələri və hər şeydən qabaq, ruhu ilə bir əlaqə yaradılan iş ərsəyə gətirməyə çalışıb. Xalçaçılıq Azərbaycanda qədim mədəniyyət növüdür. İnsanlar əsasən uzunömürlülüyü, xoşbəxtliyi, uğuru simvolizə edən naxışları xalçalarda əks etdirirdilər.