Avstraliyanın baş naziri radio-müsahibəsində bildirib ki, bu həftə Sidneydə kafedə baş vermiş ölümçül hücumun qarşısı alına bilərdi.
Baş nazir Toni Abbott hücumun qısa zamanda və hərtərəfli araşdırılacağına söz verib.
Kafe yaxınlığındakı anım memorialına gələn insanların sayı artır. Rəsmilər isə şübhəli şəxs qismində saxlanıldığına baxmayaraq, Man Haron Monisin nəyə görə zaminə buraxıldığını və qanuni yolla silah ala bildiyini araşdırır.
Polis bildirib ki, özünü müsəlman ruhani elan etmiş Haron 17 nəfəri girov götürərək, onları 16 saat kafedə saxlamışdı.
Polisin kafeyə reydi zamanı iki girov və Haron öldürülüb.
