Türkiyə İran və dünya qüdrətlərinin İstanbul müzakirələrinə ev sahibliyi edəcək

Türkiyənin xarici işlər naziri Əhməd Davutoğlu ölkəsinin İran və dünya qüdrətləri arasında yanvar ayının 21-də İstanbulda keçiriləcək nüvə müzakirələrinə ev sahibliyi edəcəyini bildirib. Nazir Avropa İttifaqının Xarici Əlaqələr şöbəsinin rəhbəri Katrin Aştonun gələn həftə hazırlıq məqsədi ilə Türkiyəyə səfər edəcəyini deyib. İran dünyanın 6 qüdrətli dövləti ABŞ, Britaniya, Fransa, Rusiya, Almaniya və Çin nümayəndələri ilə son dəfə dekabr ayında görüşmüşdü.