Suriyanın insan hüquqları müdafiəçiləri təhlükəsizlik qüvvələri tərəfindən 11 adam öldürüldüyünü bildirib. Hücum zamanı onlarla insan yaralanıb.
Suriyanın Londonda yerləşən İnsan Hüquqları Müşahidəçi qrupunun bildirdiyinə görə, zorakılıqlar İdlib vilayətində baş verib. Xalq tərəfinə keçən əsgərlər 7 hökumət əsgərini öldürüb.
BMT-nin İnsan Hüquqları komitəsinin rəhbəri Navi Pillay bildirib ki, mart ayından bəri təhlükəsizlik qüvvələri tərəfindən 5000-ə yaxın insanın öldürüldüyünə dair etibarlı məlumat əldə edilib. Bu açıqlama BMT-nin Təhlükəslik Şurasının Nyu-York görüşündən sonra səslənib.
