Ağ Evin əks-terrorizm və daxili təhlükəsizlik məsələləri üzrə müşaviri Con Brennan Amerikanın istəyi və imkanı olmayan ölkələrdə Əl-Qaidəni hədəf almaqda davam edəcəyini deyib. Harvard universitetindəki çıxışı zamanı müşavir bildirib ki, ABŞ Əfqanıstanda olduğu kimi Əl-Qaidəyə qarşı mübarizəni hərbi gücdən istifadə etməkdə görmür. O əlavə edib ki, Amerika istədiyi vaxt və istədiyi yerdə gücdən istifadə edə bilməz. Ağ Evin əks-terrorizm və daxili təhlükəsizlik məsələləri üzrə maşaviri vurğulayıb ki, ABŞ beynəlxalq qanuni prinsiplər, ölkələrin suverenliyi və müharibə qanunlarına ehtiram göstərməklə xarici ərazilərdə gücdən istifadə edə bilər.
