Ukrayna Prezidenti Volodimir Zelenski dünyanın aparıcı iqtisadiyyatlarından ibarət Böyük Yeddilərin sammitində iştirak etmək üçün Yaponiyaya getdiyi bir vaxt, Rusiya Ukrayna paytaxtı Kyiv daxil olmaqla gecə boyu bir neçə yerə havadan zərbələr endirib.
Zelenski Yaponiyanın Hiroşima şəhərində gedəndən qısa müddət sonra Twitter-də yazın ki, sammit “qələbəmiz üçün təhlükəsizlik və artan əməkdaşlıq” deməkdir.
Bu gün sülh daha yaxın olacaq,” o əlavə edib.
Bu arada isə Ukraynanın hərbi rəsmiləri bildirib ki, gecə boyu paytaxt üzərində 18 dron vurulub.
“Gecə təcavüzkar yenidən kütləvi pilotsuz təyyarə zərbələri endirib”, - Kyivin hərbi administrasiyasının rəhbəri Serhiy Popko Telegram-da yazıb. “Müəyyən edilən bütün hava hədəfləri bizim hava hücumundan müdafiə qüvvələrimiz tərəfindən məhv edilib”
Dronların yerə düşən qalıqları yaşayış binasında yanğına səbəb olub, amma ölənlərin olmadığını bildirilir.
Bundan əlavə Kyivin şimal-şərqində Çernihiv şəhərində də partlayışlar baş verib.
Azov dənizi sahilində Rusiyanın nəzarət etdiyi Mariupol şəhərində də bir neçə partlayışın olduğu bildirilir. Rusiya mətbuatı partlayışın şəhərin hava limanında baş verdiyini bildirib.
Mariupolda partlayışların Rusiyanın aylarla davam edən ağır döyüşlərdən və böyük ziyan və itkilərə səbəb olandan sonra şəhərə ələ keçirməsinin birinci ildönümünə təsadüf edib.
Rusiya 2022-ci ilin martın 16-da yüzlərlə mülki şəxsin, əsasən qadın və uşaqların sığındığı teatrı bombalayıb. Ukrayna rəsmiləri həmin insident nəticəsində təxminən 300 nəfərin öldürüldüyünü bildirir.
Hiroşimada Zelenski bazar günü G7 liderləri ilə görüşərək Rusiya ilə müharibəni müzakirə edəcək və hərbi yardımın artırılmasına çağıracaq.
Sammit ərəfəsində ABŞ Prezidenti Co Bayden Böyük Yeddilər liderlərinə bildirib ki, Birləşmiş Ştatlar müttəfiqlərin ukraynalı pilotlara qabaqxıl F-16 döyüş təyyarələi ilə bağlı təlim keçmək səylərinə dəstək verəcək. Mətbuatda yer alan xəbərlərdə deyilir ki, təlimlər çox güman ki, Avropada keçiriləcək və qarşıdan gələn həftələrdə başlayacaq.
Britaniyanın baş naziri Rişi Sunak Vaşinqtonun Ukrayna pilotlarına təlim keşməklə bağlı atdığı addımı alqışladığını bildirib və Twitter-də yazıb ki, Britaniya “Hollandiya, Belçika və Danimarka ilə birlikdə Ukraynanı lazım olan döyüş hava qabiliyyəti ilə təmin etməyə” çalışacaq.
