ABŞ-ın federal səhiyyə işçiləri potensial təhlükəli qan laxtalanması ilə bağlı xəbərlərdən sonra Johnson & Johnson COVID-19 peyvəndinin istifadəsində dərhal fasilə verilməsini tövsiyə edirlər.
ABŞ Xəstəliklərə Nəzarət və Profilaktika Mərkəzləri və Ərzaq və Dərman İdarəsi çərşənbə axşamı verdiyi birgə açıqlamada qurumların 18 ilə 48 yaş arasındakı qadınlarda bir dozalı peyvənd alındıqdan sonra 6-13 gün ərzində meydana gələn "nadir və ağır qan laxtalanması" hallarını araşdırdığı bəyan bildirilib. Açıqlamada ölkədə 6,8 milyon dozadan çox peyvənd tətbiq edildiyi qeyd edilib.
The New York Times qəzeti bir qadının öldüyü, Nebraska ştatında başqa bir qadının isə ağır vəziyyətdə xəstəxanaya yerləşdirildiyi haqda məlumat verib.
CDC bu halların nəzərdən keçirilməsini davan etdirmək və potensial əhəmiyyətini qiymətləndirmək üçün çərşənbə günü İmmunlaşdırma Təcrübələri üzrə Məşvərət Komitəsinin təcili iclasını keçirəcəyini bildirib.
Johnson & Johnson peyvəndi potensial qan laxtalanması ilə əlaqələndirilən ikinci peyvənddir. Avropa İttifaqının tibb tənzimləyicisinin peyvənd və nadir, ölümcül ola bilən qan laxtalanması halları arasında əlaqəni elan etməsindən sonra bəzi ölkələr COVID-19-a qarşı AstraZeneca vaksinindən istifadə ilə bağlı yeni təlimatlar verib.
