ABŞ Konqresində hər iki partiya nümayəndlərinin hökumətin defolt elan etməsinə yol verməyəcək qanun layihəsi hazırlamaq üçün ciddi səy göstərdiyi xəbər verilir. Senat bu gün Senatda demokratların lideri Herri Ridin hökumətin borc həddinin artırılmasına dair irli sürdüyü təklifin nəzərdən keçirilməməsinə səs verib. Lakin bu, Ağ Ev və Konqres liderlərinin bir həftədir dalana dirənmiş danışıqları davam etdirməsinə mane olmur. Hər iki tərəf Konqresin federal hökumətin defolt elan etməsinin qarşısını almaq üçün çərşənbə axşamı günü qarşılaşdığı son möhlətə qədər razılığın əldə olunacağı ilə bağlı nikbinlik ifadə edib.