ABŞ dövlət katibi Bosniya-Herseqovinanı siyasi strukturlarda islahatlara çağırıb. Hillari Klinton deyib ki, əks təqdirdə bu ölkə Avropaya inteqrasiya edən qonşularından geri qalacaq. Dövlət katibinin çağırışı Bosniyanın paytaxtı Sarayevoda universitet tələbələri ilə görüşü zamanı səslənib. O deyib ki, islahatlar əsas sahələrin inkişafı, xarici investisiyanın cəlb edilməsi və hökumətin daha effektiv fəaliyyətinə xidmət edəcək. Hillari Klinton Bosniyanın xorvat, müsəlman və sebr icmalarını təmsil edən prezident üçlüyü ilə görüşüb.