Dünən, oktyabrın 27-də ABŞ-ın Azərbaycandakı səfiri Li Litzenberger Beynəlxalq Miqrasiya Təşkilatının (BMqT) ev sahibliyi etdiyi və Amerika Birləşmiş Ştatlarının Beynəlxalq İnkişaf Agentliyi (USAID) tərəfindən maliyyələşdirilən İnsan Alveri Qurbanlarının Müəyyənləşdirilməsi üzrə İlk yardımçılar üçün təliminin açılışını edib. USAID-in İnsan Alverinə Qarşı Mübarizə layihəsinin bir hissəsi olan üç günlük təlim iştirakçılara insan alveri, məcburi əmək və istismar qurbanlarının aşkar edilməsi, müəyyən edilməsi və aidiyyəti üzrə göndərilməsi ilə bağlı əlavə bacarıq və biliklər verir.
Təlim iştirakçıları 10 ilk yardımçılar, o cümlədən beş polis əməkdaşı, müxtəlif dövlət orqanlarının və yerli vətəndaş cəmiyyətinin beş nümayəndəsidir ki, onların rolu insan alverinin potensial qurbanları ilə qarşılıqlı əlaqədə olmaq və ya aşkar etmək imkanına malikdir. Təlim iştirakçıları aşağıdakılardan seçilmişdir:
- Gəncə, Şəmkir və Tovuz rayon polis şöbələri,
- Ailə, Qadın və Uşaq Problemləri üzrə Komitənin regional bölmələri,
- Əmək və Əhalinin Sosial Müdafiəsi Nazirliyi,
- Regionda qurbanlara və potensial qurbanlara yardım xidmətləri təklif edən müvafiq qeyri-hökumət təşkilatları (QHT-lər).
Təlimin açılışında çıxış edən səfir Litzenberger insan alverinin bütün dünyada nə qədər ciddi problemə çevrildiyini və istənilən anda 25 milyon qurbanın olduğunu qeyd edib.
Səfir Azərbaycan hökumətinin və yerli QHT-lərin bu sahədə səylərini yüksək qiymətləndirib, bu mübarizədə dövlətlər və qurumlar arasında əməkdaşlığın vacibliyini vurğulayıb. O, həmçinin BMqT-nin və onun yerli missiyasının rəhbəri Vladimir Qjorqiyevin insan alverinə qarşı mübarizədə usanmaz fəaliyyətini yüksək qiymətləndirib.
Cənab Gjorgiev Azərbaycanın insan alverinə qarşı ciddi mübarizə apardığını, BMqT-nin hökumətin və QHT-lərin səylərinə kömək etməklə İnsan Alverinə Qarşı Mübarizə Hesabatında ölkənin reytinqini yüksəltmək məqsədi daşıdığını qeyd edib.
Gjorgiev ilk növbədə həssas insanların insan alverinin qurbanına çevrilməsinin qarşısının alınması, potensial qurbanların müəyyən edilməsindən sonra isə səmərəli kömək və dəstəyin göstərilməsi üçün addımların atılmasının vacibliyini vurğulayıb.
"Burada tədris olunan ən yaxşı təcrübə və metodologiyalar insan alverinin yaratdığı ciddi problemlərin həllinə kömək edəcək," o qeyd edib.
“Təlim zamanı iştirakçılar İnsan Alveri və İnsan Alverinə Qarşı Mübarizə Əsas Anlayışları, İnsan Alverinin Qurbanların Sağlamlığına Nəticələri, Ehtimal olunan qurbanlarla ünsiyyət/müsahibədə Etika, Azərbaycan Respublikasında Standart Fəaliyyət Prosedurları, Milli İstiqamətləndirmə Mexanizmi Modelləri və İnsan Alverinə Qarşı Azərbaycan Milli Fəaliyyət Planı üzrə biliklərini genişləndirir.
BMqT tərəfindən həyata keçirilən USAID-in İnsan Alverinə Qarşı Mübarizə layihəsi Azərbaycan hökumətinə, QHT-lərə insan alverinin və məcburi əməyin qarşısının alınması, onunla mübarizədə, o cümlədən gender əsaslı zorakılığın aradan qaldırılmasında Azərbaycanın effektivliyini daha da artırmaqda kömək edir. Buraya insan alveri, məcburi əməyin potensial və faktiki qurbanlarına kömək edən sığınacaqlari idarə edən vətəndaş cəmiyyəti təşkilatlarına texniki və maliyyə dəstəyi daxildir,” ABŞ Səfirliyinin məlumatında deyilir.
