Bu il oktybarın 17-də ADP sədri Rəsul Quliyevin Azərbaycana gələrkən qarşılanması üçün maliyyə vəsaiti ayırmaqda günahlandıran iki nazir və bğir neçə başqa şəxs şübhəli şəxs qismində saxlanıb. Azərbaycan Baş Prokurorluğu, Milli Təhlükəsizlik və Daxili İşlər nazirliklərinin xüsusi məlumatına görə, iqtisadi inkişaf naziri Fərhad Əliyevə məxsus evlərdə, bağlarda və müxtəlif obyektlərdə axtarışlar aparılıb və külli miqdarda xarici valyuta, zinət əşyaları, sənət əsərləri və digər qiymətli əşyalar götürülüb. «Axtarışlar nəticəsində Fərhad Əliyevin İqtisadi İnkişaf Nazirliyinin binasındakı iş otağından 50 min 500 ABŞ dolları, 6 min avro və 860 funt sterlinq, mənzilindən 30 min avro, 6 min 500 dollar, bağ evlərindən 34 ədəd qiymətli rəsm əsəri, 500 ədəd dövlət özəlləşdirmə payı, qardaşı Rafiq Əliyevə məxsus “Azpetrol” şirkətinin ofisindən 565 min ABŞ dolları və kassaya mədaxil edilməmiş 5 milyard 609 milyon manat aşkar edilərək götürülüb. Axtarış aparılan ünvanlarda həmçinin külli miqdarda qızıl-zinət əşyaları, 7 ədəd müxtəlif markalı tapança və ov silahları, digər qiymətli əşyalar, çoxsaylı əmlaklara mülkiyyət hüququnu təsdiq edən sənədlər də aşkar olunub. Fərhad Əliyevə faktiki məxsus olan çoxlu kommersiya obyektlərində korrupsiya və digər qanun pozuntuları ilə bağlı araşdırmalar davam etdirilir». Məlumatda deyilir ki, istintaq tədbirləri nəticəsində Rəsul Quliyevin Azərbaycanda hakimiyyətin zorla ələ keçirilməsi məqsədini maliyyə vəsaitləri ilə təmin edən şəxslərdən birinin də sabiq səhiyyə naziri Əli İnsanov olduğu müəyyən edilib. Xəbərə görə, səhiyyə naziri sabiq maliyyə naziri Fikrət Yusifov vasitəsi ilə Rəsul Quliyevin Bakıya gəlişinin təşkili üçün 200 min dollar göndərib. Xüsusi məluatda bildirilir ki aparılan axtarışlar zamanı onun evindən 1 milyon 289 min ABŞ dolları, 884 min avro, 25 kiloqram müxtəlif qızıl-brilyant əşyalar, mülkiyyət hüququnu təsdiq edən sənədlər, 17 ədəd qiymətli rəsm əsəri, Səhiyyə Nazirliyinin inzibati binasında yerləşən iş otağından 20 min ABŞ dolları və müxtəlif qiymətli əşyalar, nazirliyin Əczazçılıq və tibbi texnika şöbəsinin rəisi Akif Məhərrəmovun mənzilindən 1 milyon 217 min ABŞ dolları, xidməti iş otağından isə 8 min 900 ABŞ dolları aşkar edilərək götürülüb. Ekspertlər həbslərin bununla bitməyəcəyini bildirir. Belə fikirlər Milli Məclisin bu gügün ki, iclasında da səslənib. Milli Məclisin sədri Murtuz Ələsgərov da buna işarə edib. Müstəqil siyasi şərhçi Həsən Quliyev Amerikanın səsi radiosuna müsahiğbəsində baş verənləri hakimiyyətin seçkilərdən sonrakı mərhələyə hazırlığı kimi qiymətləndirib. Onun qənaətəincə, iqtidar bu hərəkətlərlə öz kamandasını təmizləmək və seçkiyə vahid kamanda ilə getmək istəyir. Şərhçi eyni zamanda ölkədə inqilab versiyasının da qaçılmaz olduğunu düşünür. O hesab edir ki, nüfuzlu nazirlərin həbsi həm də narazı elektolratın sayını artıra bilər. Bir çox ekespertlər son günlər baş verənlərə Azərbaycanın qərbyönümlü siyasətdən Rusiyayönümlü siyasətə keçidi kimi baxır. Onlar buna əsas kimi son günlər MDB müşahidə missiyasının rəhbəri Vladimir Ruşaylonun və Rusiya xarici kəşfiyyat idrəsinin rəisi Sergey Lebedevin Azərbaycana səfərlərini göstərir. Cənab Quliyev isə hesab edir ki, hazırda hadislərin inkiaşfı o qədər qaranlıqdır ki, hətta hökumət müxalifətin tənqidini belə yaddan çıxarıb. Bununla yanaşı şərhçi hesab edir ki, öləkədə baş vərənlər çoxvetorlu olduğuna görə nəticələri də çoxvektorlu ola bilər. Onun baxışına görə, ölkədə inqilab da, Özəbkistanda baş verənləri də gözələmək mümkündür. Human Rayts Votç Beynəlxalq İnsan Hüquqları təşkilatının Cənubi Qafqaz ölkələri üzrə nümayəndəsi Matilda Boqner Amerikanın səsi radisouna son günlər insanların həbsi zamanı ciddi pozuntu faktlarının qeydə alındığını bildirib. «İnsanların həbsi prosesində vəkillərin iştrakı və onların ailələrinə çıxışı təmin olunmur. Əlbəttə bunlar hüquq pozuntusudur». Onun fikringə, seçkiqabağı bir siyasi şəxslər həbsi düzgün deyil. «Seçkiqabağı çoxlu sayda siyasi adamların həbsi böyük sual doğurur. Bu əhalidə qorxu yaradır. Belə şəraitdə azad və ədalətli seçki keçiriləcəyinə şübhə edirəm». Xanım Boqnerin fikrincə, Azərbaycan beynəlxalq ictimaiyyətin tövsiyələrini nəzərə almalıdır. «Bu əhali arasında qorxu hisinin aradan qaldırılması, toplaşma azadlığığnın tam təmin edilməsi və seçicilərin barmaqlarına rəng vurulmasından ibarətdir».