Milli Məclisin Müdafiə və Təhlükəsizlik məsələləri daimi komissiyasının üzvü Zahid Orucun fikrincə, Azərbaycanla İran arasında dinc yanaşı yaşamaq sahəsində anlaşma var.
Bununla yanaşı, Xəzərin hüquqi statusu, Ermənistanın işğalçı siyasəti, İranda yaşayan azərbaycanlıların mədəni hüquqlarının təmin edilməsi və İranın Azərbaycanda dini proseslərə təsiri ilə bağlı iki dövlət arasında hələ də ümumi təmas nöqtəsi tapılmayıb.
Deputat həmçinin İranın Ermənistan-Azərbaycan münaqişəsinin nizamlanma prosesində vasitəçi imicinin olmadığını da deyib.
