Azərbaycan Demokrat Firqəsinin sədri Əmirəli Lahrudi İran Azərbaycanında Peşəvəri hərəkatının fəal iştirakçılarından olub. O hazırda Seyid Cəfər Peşəvərinin vaxtı ilə başçılıq etdiyi partiyanın rəhbəridir. Cənab Lahrudi İran Azərbaycanında 1945-ci ilin dekabrında 21 Azər hərəkatının qalib gəldiyini deyir. Onun sözlərinə görə, demokratik firqənin ilk qərarları kəndlilərə torpaq verilməsi, söz və fikir azadlığı, Azərbaycan dilinin dövlət dili elan edilməsi, Azərbaycan dilində ilk universitetin açılması barədə olub.
