Görüş zamanı İraq, blokun ilk konstitusiyası və Avropa Birliyinə daxil olan ölkələrdə iqtisadi artım məsələləri müzakirə edilir.Birliyə üzv 15 ölkənin dövlət başçıları və gələn il üzvlüyə qəbul ediləcək 10 dövlətin liderləri Avropa Birliyinin növbəyə qoyulan prezidentliyinin daimi icraedici direktorluqla əvəz edilməsi və əhali sayı artıq olan ölkələrin Avropa Birliyi çərçivəsində qərar vermə imkanlarının artırılması üçün səsvermə şərtlərinə düzəlişlər edilməsi təklfləri də müzakirəyə qoyulacaq. Birliyə üzv ölkələrin liderləri Yaxın Şərq böhranı, İranın nüvə silahları istehsalı ilə bağlı şübhələr, habelə İraqın gələcəyi məsələlərini də debatlara mövzu edəcəklər. Onların ictimai və tədqiqat araşdırmalarına vəsait buraxmaqla iqtisadi artıma yardım edilməsi ilə bağlı debatlar da keçirəcəyi gözlənilir.