آيت الله عظمی سيستانی ، آمريکالی لار اونون نفوذونا چوخ اهيت وريرلر بير اختصاحی مصاحبه دا واشنگتون پوست روزنامه سينه دييب کی " بيز اونلارين هدف لريندن ناراحتليق حس ائد ريک و اونولار گرک عراق ملتينه امکان وره لر کی اوز سرنوشت لرينی تعين اتسينلر." آيت الله عظمی سيستانی ،کی بير معتدل و مهم قوه کيمی تاننير ،مارس آيندان بری خالق آراسندا گورونمييب و بو مصاحبه نی ده اونون اوغلو محمد رضا سيستانی يازيلی شکيلده وريب. آيت الله همچنين دييب کی آمريکانين نفوذی آلتيندا عراقلی لار اوز هويت لرين ده الدن وره بولرلر. آيت الله سيستانی اينده تک آمريکالی ژنرال لارا گوروشمه يب و سياست ده دخالت اتمک ايسته مير لکن آمريکالی لار اونون نفوذوندان خبر دار ديلار و مخصوصا دييلر کی نجفين سوقوطون دا او اهالی دن ايسته ميشدی کی آمريکا لی عسکر لره قارشی چيخماسينلار. انون فتواسی همچنين تالانچی لارين و حزب بعث ن عضولری علينده انتقام لارين قاباقي ني آلميشدير. ا او کی آمريکا حکومـيني راضی سالييب آيت الله سُيستانی نين دين و ُسياست حاقده نظری دير کی بّير چوخ آيری روحانی لار و همچنين قونشو ايران حکومـتي ايله فرق لنير. او ديير : "روحانی رهبريت اوزونو سياست دن و حکوت اتمک دن اوزاق لاشديرمالی دير.
آيت الله سيستانی نين نظری آيری روحانی رهبرلر ايله فرقي وار. مثلا آيت الله مقتدا صدر آمريکانين اشغالينا قارشي دير هرچند کی بو گون لر بير قدر نظری داها يوموشانيب. آيت الله حکيم بير فتوا وريب و اوندا دييلير کی " خالق دييلر کی آمريکالی لار شيعه لره قارشی دشمن کيمی رفتار ائديلر." بعضی روحانی لری آمريکانين عراقدا غير مذهبی حکومت ياراتماق سعي لری و سيستانی نين عدم مداخله سياستي وحشته سالير.