Rusiyanın neft şirkəti LUKOİL-in vitse-prezidenti Vaqit Şərifovun 65 yaşlı atası Gürcüstanda namə’lum silahlı şəxslər tərəfindən oğurlanmışdır. Polisin bildirdiyinə görə Pankianidə həyata keçirilən oğurluq zamanı Şərifovun evindən 400 dollar nəğd pul və cəvahirat aparılmışdır. Hadisədən az sonra silahlı şəxslərin maşını Tbilisi yaxınlığındakı kənddə aşkar edilmişdir. Bu, son il ərzində neft şirkəti ilə əlaqədar ikinci adam oğurluğudur. Xatırladaq ki, LUKOİL-in maliyyə şö’bəsinin direktoru Sergey Kakura sentyabr ayının 12-i işə gedərkən oğurlanmış, 13 gün saxlandıqdan sonra azad edilmişdi.