İran rəsmilərinin bəyanatları əməldə gördükləri işlərlə üst-üstə düşmür

İranda nümayişlər 6 aydan çoxdur davam edir. Buna görə də İran liderləri iki iş görürlər: danışıqda və əməldə. Rəsmilər zahirdə tələbələrin həbsinin, onların həbsxanalarda işgəncələrə məruz qalmasını məhkum etsələr də, bu hadisələr hələ də davam edir. Son yayılan məlumatlara görə, hazırda Tehranda üniversitetlərdə və hətta bəzi küçələrdə insanlara piyada getməyə icazə vermirlər. Küçələrdən yanlız avtomobillə keçməyə icazə verilir. İrandan Facebook və başqa sosial şəbəkələr vasitəsilə daxil olan xəbərlərə görə Tehranda universitetlərin hamısında nümayişlər keçirilib, bəzilərində polislə qarşı durma və bəzən də toqquşmalar baş verib. Hətta Təbrizdəki hadisələri göstərilən bir videolar da yayılıb. İran İslam respublikasının rəsmiləri hələ ki, bu etirazları qəbul etməyiblər. Belə olsaydı barışığa doğru addımlar atılardı. Ayətullahların bəziləri qüvvələr arasında barışıq olmasına çağırıblar.

İğtişaşların intensivləşməsi həm daxildə, həm də xaricdə İslam Cumhuriyyətinə olan rəğbətə son qoydu və Ayətulla Əli Xameneyi hakimiyyətdən gedə bilər. Hətta onun oğlunu öz yerinə gətirmək istəməsi barədə şayiələrdə gəzir. Ona görə də hazırda küçələrdə səsləndirilən bütün şuarlar Xameneyi və onun oğluna qarşı yönəlib.

Bu günə qədər baş verənlər nümayişlərin bundan sonra davam edəcəyini göstərir. Nünamişləri yalnız tərəflar arasında əldə olunacaq sülh, müxalifətin tələblərinə əməl olunması dayandıra bilər.