Ərəb Liqası ABŞ prezidenti Barak Obamanın gələn ay Misirdə müsəlman dünyasına müraciət çıxışı etmək qərarını alqışlayıb. Misrin rəsmi MENA xəbər agentliyinin bildirdiyinə görə, Ərəb Liqasının baş katibi Amr Musa deyib ki, cənab Obama ABŞ-da və dünyanın hər yerində yeni əhval-ruhiyyə yaradıb.
Misir də ABŞ prezidentinin qarşıdan gələn səfərini alqışlayıb. Xarici İşlər naziri İsmat Abdül məcid cənab Obamadan ərəb dünyası ilə daha güclü əlaqələr yaratmaq təşəbbüsünə görə razılığını bildirib.
Prezident Obamanın müsəlman dünyasına müraciətlə çıxış edəcəyi Ağ Ev tərəfindən elan edilib.