Polisin
sözlərinə görə, Hindistanın paytaxtı Yeni Dehli şəhərində baş verən ardıcıl
partlayış nəticəsində 18 nəfər həlak olub, onlarla insan yaralanıb. Hüquq
mühafizə rəsmilər deyir ki, aralarında bir neçə dəqiqə fasilə ilə ən azı 5
partlayış bu gün insaların basırıq olduğu bazarlarda baş verib. Bomba hücumları
habelə həftə sonu insanların alış verişə çıxdığı Yeni
Dehlinin Qreter Kaylaş və Karol Bağ məhəllələrində həyata keçirilib. Polis daha
iki hücumu təkzib edib. Ehtimallara görə, onlardan biri şəhərin Müharibə
memorialının yanında, digəri isə kinoteartın qarşısında baş verib. Paytaxt meri
insanları sakitləşməyə və evlərindən çıxmamağa çağırıb. Şəhərin civarlarında
həyəcan təbili çalınıb. Hücuma görə məsuliyyəti “Hindistan Mücahidələri” qrupu
öz üzərinə götürüb.