Əfqanıstanın Daxili İşlər Nazirliyi ölkənin cənubunda koalisiya qüvvələri ilə yaraqlılar arasında qarşıdurma zamanı Taliban komandirlərindən birinin və onun bir neçə tərəfdaşının öldürüldüyünü bildirib. Öldürülən komandirin Taliban başçısı Molla Ömərin qohumu və silahdaşı Molla Bradər olduğunun təsdiq edildiyi xəbər verilir. Nazirlik bu gün səhər Helmənd vilayətində baş verən qarşıdurmada koalisiya qüvvələrinin təyyarələrin köməyindən də istifadə etdiyini deyib. Əfqanıstandakı Birləşmiş Ştatlar qüvvələri isə bu barədə heç bir məlumat verməyib.
Digər bir xəbərdə isə deyilir ki, bu gün Əfqanıstanda bir NATO əsgərinin və bir əfqan tərcüməçisinin yaraqlılar tərəfindən qətlə yetirilib.