Rusiya mediasının məlumatda bildidirilir ki, İnquşetiya respublikasında polis avtobusuna edilən hücum nəticəsində bir polis zabiti həlak olub, üçü isə yaralanıb. İnquşetiya Daxili İşlər Nazirliyinin sözçüsü Yaxva Kandziyev hadisənin respublikanın Malqobek regionunda bu gün səhər baş verdiyini, hücumçuların hadisə yerindən maşınla qaçmağa nail olduqlarını bildirib.
Qeyd edək ki, bu ay İnquşetiyada bundan əlavə artıq iki zorakılıq hadisəsi baş verib. On gün bundan əvvəl İnquşetiya prezidentinin müşaviri qətlə yetirilmiş, bu hadisədən bir neçə gün əvvəl dəfn mərasimində həyata keçirilən bomba hücumu bir neçə adamın yaralanmasına səbəb olmuşdu.