İraq rəsmilərinin bildirdiyinə görə, bu gün həyata keçirilən bomba hücumları 45 adamın ölümü, 75-dən artıq insanın yaralanmasına səbəb olub. Ramadi şəhərində 15 adamın ölümü və 28-nin yaralanmasına səbəb restoran yaxınlığında maşına yerləşdirilmiş bomba partlayışı olub. Mosul şəhərində Kürdüstan Demokratik partiyasının qərargahı yaxınlığındakı kamikadze hücumu 10 adamın ölümü ilə nəticələnib. Digər bir intihar hücumu Baquba şəhər polis idarəsində həyata keçirilib. 10 nəfərin ölümünə səbəb olan bu hücum maşının polis idarəsinə dəyməsi ilə baş verib. Yaşıl Zona yaxınlığında daha bir kamikadze hücumu 6 adamın ölümünə yol açıb.