Rusiyanın Şankt Peterburq şəhərində polis müxalifət tərəfdarlarının icazəsiz nümayiş cəhdinin qarşısını alıb. 20 fəalın saxlandığı xəbər verilir. Sanksiyalaşdırılmamış nümayişə 2 mindən artıq insan qatılmağa cəhd edib. Nevski prospektində təşkil edilən aksiya prezident Vladimir Putin hökumətinin gələn il keçiriləcək seçkilərdə iştirakına etiraz mahiyyəti daşıyıb. Müxalifət hökuməti korrupsiyada ittiham edir. Tənqidçilər Kremli mətbuata nəzarət və demokratik təsisatların boğulmasında günahlandırır.