Bazar ertəsi Birləşmiş Ştatlar Bayden administrasiyasının son günlərində yardım artımının bir hissəsi olaraq Ukraynaya təxminən 2,5 milyard dollarlıq yeni yardım elan edib.
ABŞ Dövlət katibi Antoni Blinken verdiyi açıqlamada yardıma hava hücumundan müdafiə sursatları, dron əleyhinə döyüş sursatları, Yüksək Hərəkətli Artilleriya Raket Sistemləri üçün döyüş sursatları, tank əleyhinə silahlar və artilleriya sursatlarının daxil olduğunu bildirib.
ABŞ prezidenti Co Bayden bildirib ki, yardım “Ukraynaya həm döyüş meydanında böyük təsir göstərmək üçün istifadə etməyə davam etdiyi imkanların dərhal axınını, həm də hava hücumundan müdafiə, artilleriya və digər mühüm silah sistemlərinin uzunmüddətli təchizatını təmin edəcək”.
Paket yeni seçilmiş prezident Donald Trampın vəzifəyə başlamasından üç həftə əvvəl elan edilib. Tramp ABŞ-ın Ukraynaya göstərdiyi yardımın səviyyəsini şübhə altına alaraq, Ukrayna liderləri arasında ABŞ-ın gələcək dəstəyinin təhlükə altında ola biləcəyi ilə bağlı narahatlıqları artırıb.
Ukrayna ordusu bazar ertəsi bildirib ki, Rusiya qüvvələrinin gecə ərzində Ukraynanın şimal və şərqində bir çox bölgəni hədəf alan hücumlarında istifadə etdiyi 21 dronu vurub.
Ukrayna hava qüvvələri Rusiyanın ümumilikdə 43 pilotsuz uçan aparatı ilə hücum etdiyini və hava hücumundan müdafiə qüvvələrinin dronları Çernihiv, Dnepropetrovsk, Donetsk, Xarkiv, Odesa və Poltava vilayətləri üzərində vurduğunu bildirib.
Odesa qubernatoru Oleh Kiper Telegram-da deyib ki, düşən dron qalıqları beş yaşayış binasına ziyan vurub, lakin heç kim xəsarət almayıb.
Xarkiv qubernatoru Oleh Sınehubov dron hücumu nəticəsində bir binada yanğın baş verdiyini, eləcə də magistral yolun yaxınlığında bir dronun vurulduğunu bildirib. O həmçinin bölgədə itkinin olmadığını bildirib.
Rusiya Müdafiə Nazirliyi bazar ertəsi Rusiya-Ukrayna sərhədində yerləşən Belqorod bölgəsi üzərində dronun zərərsiz hala gətirildiyini bildirib.
Kurskda bölgə rəsmiləri də Rusiya hava hücumundan müdafiə qüvvələrinin bazar ertəsi erkən saatlarda Ukrayna raketini vurduğunu bildirib.
Forum