Yəməndə yerləşən husi silahlı qruplaşması çərşənbə günü İsrailin mərkəzindəki Tel-Əviv bölgəsinə ballistik raket atdığını bildirib. Hava hücumu sirenlərinin səslənməsinə səbəb olub, lakin heç bir zərər qeydə alınmayıb.
İsrail ordusu raketi İsrail ərazisinə keçməzdən əvvəl ələ keçirdiyini bildirib. Raket Qəzza zolağında İsrail-HƏMAS müharibəsi fonunda fələstinlilərlə həmrəylik nümayiş etdirdikləri kampaniyanın bir hissəsi olraq husilər tərəfindən iki gün ərzində buraxılan ikinci və sonuncusu olub.
Husilər İsrailə raket atmaqla yanaşı, gəmilərə qarşı hücumlarla Qırmızı dəniz və Ədən körfəzindəki əsas gəmiçilik yollarını da pozur. İsrail rəsmiləri son günlər İranın dəstəklədiyi qruplaşmaya qarşı tədbir görəcəyini vəd edib.
İsrail ordusunun çərşənbə axşamı nəticələrini açıqladığı araşdırmaya görə, avqust ayında Qəzzada saxlanılan 6 girovun ölümünə İsrail əsgərlərinin mövcudluğu səbəb olub.
İsrailli amerikalı Herş Qoldberq-Polin də daxil olmaqla, altı nəfər HƏMAS militantları tərəfindən 7 oktyabr 2023-cü ildə İsrailə hücum girov zamanı götürülüb. Onlar təxminən 330 gün əsirlikdə qaldıqdan sonra HƏMAS tərəfindən öldürülüb.
Hərbçilərin hesabatında qeyd olunub ki, "bölgədə quru fəaliyyətləri tədrici və ehtiyatlı olsa da, terrorçuların altı girovu öldürmək qərarına şərti təsir göstərib".
Məlumatda deyilir ki, onların cəsədləri avqustun sonunda 48-72 saat sonra tuneldə tapılıb. Hesabatda bildirilir ki, hərbçilər Qəzzanın cənubundakı həmin ərazidə əməliyyat aparırdı, çünki orada girovların olma ehtimalı orta və aşağı hesab olunurdu.
HƏMAS militantlarının 2023-cü ilin oktyabr ayında İsrailə hücumu zamanı 1200 nəfəri öldürülüb və təxminən 250 nəfəri əsir götürülüb. Hazırda Qəzza zolağında təxminən hələ də 100 əsir saxlanılır, lakin onların ən azı üçdə biri ölü hesab olunur.
Qəzza Səhiyyə Nazirliyinə görə, İsrailin Qəzza zolağında həyata keçirdiyi əks-hücumlarda 45 300-dən çox insan ölüb.
Forum