Ukrayna ordusu çərşənbə axşamı Rusiya qüvvələrinin gecə ərzində atdığı 60 drondan 36-nı vurduğunu bildirib.
Ukrayna Hərbi Hava Qüvvələrinin məlumatına görə, dronlar Çernihiv, Dnipropetrovsk, Xarkiv, Xmelnitski, Kyiv, Poltava, Sumı və Zaporojjya regionları üzərində vurulub.
Dnipropetrovsk qubernatoru Serhiy Lısak Telegram-da bildirib ki, dron hücumları və Rusiyanın açdığı atəş nəticəsində bir neçə ev və elektrik xətti zədələnib.
Ukraynanın qərbindəki Xmelnitskidə qubernator Serhiy Tiurin Rusiyanın hücumunun bir neçə evə ziyan vurduğunu bildirib.
Ukraynanın şimal-şərqindəki Sumı regionunun rəsmiləri orada bir ferma binasının zədələndiyini bildirib.
Rusiya Müdafiə Nazirliyi çərşənbə axşamı bildirib ki, hava hücumundan müdafiə sistemləri üçü Rostov vilayəti, biri isə Voronej üzərində olmaqla dörd Ukrayna dronunu məhv edib.
Həm Rostov, həm də Voronej Rusiya-Ukrayna sərhədində yerləşir və tez-tez Ukrayna dronlarının hədəfinə çevrilir.
Rostov və Voronej qubernatorlarının hər biri Telegram-da Ukraynanın hücumları nəticəsində dağıntılar və insan tələfatının olmadığının bildirib.
Forum