Dekabrın 4-də Bakı Apellyasiya Məhkəməsi “Toplum TV” nin təsisçisi Ələsgər Məmmədlinin ev dustaqlığına buraxılmaması ilə bağlı müdafiə tərəfin verdiyi apellyasiya şikayətini təmin etməyib
Bu barədə Ələsgər Məmmədlinin qardaşı Nəsimi Məmmədli Amerikanın Səsinə bildirib.
Onun sözlərinə görə, ikinci instansiya məhkəməsi Xətai Rayon Məhkəməsinin qərarını qüvvədə saxlayıb.
Məhkəmədə iştirak edən Ələsgər Məmmədli həbs qətimkan tədbirinin uzadılmasına heç bir əsas olmadığını və ev dustaqlığına buraxılması üçün qanuni əsaslar olduğunu bildirib.
Nəsimi Məmmədli deyir ki, qardaşının səhhətində yaranmış problemləri müalicə ilə ortadan qaldırmaq mümkün deyil.
Noyabrın 27-də Xətai Rayon Məhkəməsi 1 saylı Bakı İstintaq Təcridxanasında saxlanılan "Toplum TV"nin təsisçisi Ələsgər Məmmədlinin ev dustaqlığına buraxılması ilə bağlı müraciətini təmin etməyib. Məhkəmə online formatda keçirilib.
Oktyabrın 3-də Xətai Rayon Məhkəməsi Ələsgər Məmmədlinin həbs müddətini daha 3 ay uzadıb.
Martın 6-8-də “Toplum TV” və onun tərəfdaş təşkilatı Demokratik Təşəbbüslər İnstitutunun 9 əməkdaşı saxlanılıb. Onlar xarici valyuta qaçaqmalçılığında ittiham olunurlar. Yeddi nəfər barədə həbs qətimkan tədbiri seçilib, iki nəfər isə polisin nəzarətinə verilib.
“Toplum TV”nin təsisçisi Ələsgər Məmmədli də valyuta qaçaqmalçılığında ittiham olunur.
Forum