Respublikaçılar son dörd ildə Demokratların cüzi çoxluğa malik olduğu Senatda nəzarəti ələ keçirib. Onlar yenidən seçilmək istəyən Demokrat senatorların Respublikaçılara məğlub olduğu Ohayo və Montana ştatlarında yerlərini itirib.
Beləliklə, Respublikaçılar seçilmiş prezidentin kabinetinin, eləcə də vakansiya yaransa, Ali Məhkəmənin hakiminin təsdiqində aparıcı rola malik olacaqlar.
Nümayəndələr Palatasına kimin nəzarəti ələ keçirəcəyi bəlli deyil: 100-dən çox kampaniya hələ yekunlaşmayıb və çoxluğu kimin tutacağı sualı açıq qalır.
Bəzi ştatlarda seçicilər aborta qoyulan məhdudiyyətlərə fikir verib. Doqquz ştatda abortun məhdudlaşdırılması tədbirləri səsverməyə çıxarılıb. Nebraska, Florida və Cənubi Dakotanın abort hüquqlarını ştat konstitusiyasında təsbit etmək cəhdləri uğursuz olub.
Missuri, Arizona və Montana ştatlarında seçicilər abort hüquqlarının genişləndirilməsi tədbirlərini dəstəkləyiblər. Abort və reproduktiv sağlamlıq hüquqları Nevada, Nyu-York və Koloradoda seçicilər tərəfindən təsdiqlənib.
Forum