İran rəsmisi çərşənbə axşamı iddia edib ki, Iran əsilli Almaniya vətəndaşı Cəmşid Şərməhd Tehran onu edam etməmişdən əvvəl dünyasını dəyişib.
Əsgər Cahangirin şərhi Almaniyanın Şərməhdin ölümü ilə əlaqədar ölkədəki üç İran konsulluğunun bağlanmasından və yalnız Berlindəki səfirliyin açıq qalmasından sonra səslənib.
Almaniya daha sonra Cahangirin sözlərinə etiraz edib.
Bu arada, hətta İranın islahatçı prezidenti Məsud Pezeşkian da Almaniyanın Şərməhdin ölümünə reaksiyasını tənqid edib. Belə ki, Tehran və Qərb arasında sürətlə irəliləyən nüvə proqramı və davam edən Yaxın Şərq müharibələri ilə bağlı gərginlik yüksək olaraq qalır.
Ədliyyə orqanlarının Mizan xəbər agentliyi Cahangirdən sitat gətirib: "Cəmşid Şərməhd ölüm hökmünə məhkum edilmişdi, hökmü icra olunmağa hazır idi, lakin hökm icra olunmamış dünyasını dəyişib". O, ətraflı məlumat verməyib.
“Cəmşid Şərməhd İran tərəfindən oğurlanıb və ədalətli mühakimə olmadan qeyri-insani şəraitdə və lazımi tibbi yardım olmadan illərlə saxlanılıb. Onun ölümündə İran məsuliyyət daşıyır”, Almaniyanın Xarici Nazirliyi bildirib. Onun ölümündə İran məsuliyyət daşıyır”.
Almaniya əlavə edib ki, “cəsədi ailəsinə təhvil vermək üçün İran hökumətinə lobbiçilik edir”.
Şərməhdin ailəsini təmsil edən vəkil Ceyson Poblet The Associated Press-ə deyib ki, İrandan gələn ziddiyyətli şərhlər "dərin narahatlıq doğurur".
İran oktyabrın 28-də Şərməhdi edam etdiyini bildirmişdi. Onun 69 yaşı vardı.
Forum