Türkiyə bazar günü Afrika ilə əlaqələri dərinləşdirməyə sadiq olduğunu bildirib və Cibutidə son Afrika sammitində fələstinlilərə diplomatik dəstək verməyə çağırıb.
Türkiyə son illərdə Afrikaya böyük investisiyalar qoyub. Prezident Rəcəb Tayyib Ərdoğan hakimiyyətdə olduğu iyirmi il ərzində 31 ölkəyə 50 səfər edib.
Bu həftə sonu Cibutidə keçirilən nazirlər səviyyəsində son toplantıda Afrikanın on dörd ölkəsi iştirak edib.
Bunlara Anqola, Çad, Komor adaları, Konqo Respublikası, Misir, Ekvatorial Qvineya, Qana, Liviya, Mavritaniya, Nigeriya, Cənubi Sudan, Zambiya və Zimbabve daxildir.
Sammitdə sədrlik edən Türkiyənin xarici işlər naziri Hakan Fidan qitə ilə ticarət dövriyyəsinin keçən il 35 milyard dolları ötdüyünü və Türkiyənin birbaşa investisiyalarının hazırda 7 milyard dollar təşkil etdiyini bildirib.
“Türkiyə qitə ilə ticarət və iqtisadi tərəfdaşlığımızı gücləndirmək üçün hərtərəfli və vahid yanaşma nümayiş etdirir”, Fidan çıxışında deyib.
Türkiyə Səhraaltı Afrikaya dördüncü ən böyük silah tədarükçüsünə çevrilib və bir çox ölkədə hərbi qüvvələrə təlim keçib.
Son aylarda Türkiyə Efiopiya və Somali arasında mübahisənin həllində vasitəçilik etməyə çalışıb və Nigerlə təbii ehtiyatların hasilatı ilə bağlı müqavilə bağlayıb.
Hakan Fidan Afrika İttifaqının Böyük İyirmilər qrupunun (G-20) daimi üzvü olmasına və BMT Təhlükəsizlik Şurasında islahatlara dəstəyini bir daha bəyan edib.
“Biz BMT-nin daha aktual və əsrin mürəkkəb çağırışlarına cavab vermək qabiliyyətinə malik olması üçün səylərimizi davam etdirməliyik. Təhlükəsizlik Şurasında islahat bu mənada çox vacibdir”, o deyib.
Fidan həmçinin Afrikanın İsrail-Fələstin münaqişəsində daha fəal iştirakına çağırıb.
“Biz inanırıq ki, Afrika Fələstin məsələsini dəstəkləməkdə və İsraili dayandırmaqda təsirli rol oynaya bilər”, o bildirib.
“Biz Fələstini dəstəkləyən Afrika ölkələrini təqdir edirik” Hakan Fidan Cənubi Afrikanın İsrailin törətdiyi “soyqırım”a dair sübutları Beynəlxalq Cinayət Məhkəməsinə təqdim etmək üçün atdığı son addımı vurğulayaraq əlavə edib.
Növbəti Türkiyə-Afrika sammiti 2026-cı ildə keçiriləcək.
Forum