ABŞ-ın Azərbaycandakı Səfirliyi Dövlət Departamentinin maliyyələşdirməsi ilə Qusar rayonunun İmamqulukənd kəndində (Bakıdan 182 kilometr şimal) Gənc Liderlik Düşərgəsi təşkil edib.
ABŞ səfirliyinin məlumatına görə, Kritik Dil Proqramının təqaüdçüsü Matt Şultz və Fulbrayt Proqramının təqaüdçüsü Edvard Morqanın rəhbərlik etdiyi düşərgədə 80 gənc kənd sakini üçün komanda işi və liderlik bacarıqları üzrə təlimlər keçirilib. Səfirliyin mədəniyyət məsələləri üzrə müşaviri Rendi Koul və məzunlar üzrə koordinator Lamiyə Süleymanzadə düşərgə iştirakçılarına Amerika mədəniyyəti və hekayələri barədə məlumat veriblər.
Gənc Liderlik Düşərgəsi 7-10 avqust və 12-15 avqust tarixlərində təşkil edilib.
Düşərgədə ADA Universitetinin və Azərbaycan Dillər Universitetinin "İngilis dilli" ixtisaslarında təhsil alan tələbələr də içtirak edib.
Forum