İyunun 29-da Azərbaycan Xalq Cəbhəsi Partiyasının üzvü Adil Babanın intihar etdiyi bildirilir. Bu barədə məlumatı Azadlıq qəzetinin mühacirətdəki baş redaktoru Qənimət Zahid verib.
Onun sözlərinə görə, Adil Baba AXCP Sabirabad Rayon Şöbəsinin Gənclər Komitəsinin sədri olub.
"İki körpə uşağı qaldı. Son günlər rayon polisinin və İcra Hakimiyyətinin davamlı təqibləri altında idi. İntiharın səbəbi inzibati orqanlarda ona qarşı ləyaqətsiz davranışlar ehtimalı ola bilər. Hadisəni araşdırırıq" -deyə, o bildirib.
Daxili İşlər Nazirliyinin Mətbuat xidmətinin müvəqqəti rəisi Elşad Hacıyev bildirib ki, Babayev Adil Fariz oğlunun intiharının polislə əlaqəsi yoxdur:
"Rayon polis şöbəsində onunla bağlı icraat işi, araşdırma aparılmayıb, hər hansı məsələ ilə bağlı polis şöbəsinə dəvət edilməyib".
Forum