Birləşmiş Ştatlar ötən həftə Qəzza zolağında Əhli Ərəb xəstəxanasında baş verən partlayışdan sonra bütün dünyada gərginliyi artıran və etirazlara səbəb olan qəzəbləri cilovlamağa çalışır.
Qəzəbin böyük hissəsi İsrail üzərində cəmlənib, HƏMAS-ın bir çox fələstinli tərəfdarı hava hücumunda İsraili günahlandırıb və hadisəni “soyqırım” adlandırıb.
Lakin ABŞ buna qarşı mübarizə aparır, ilkin kəşfiyyat qiymətləndirmələrini açıq şəkildə bölüşür, eləcə də daha ətraflı tapıntıları əsas hökumətlərlə bölüşür.
Hadisənin həssaslığına görə adının açıqlanmasını istəməyən ABŞ kəşfiyyatının yüksək rütbəli rəsmisi çərşənbə axşamı jurnalistlərə deyib: "Biz təhlili dünyadakı bir çox tərəfdaşımızla paylaşdıq. İndiyə qədər təmin edə bildiklərimiz baxımından olduqca mühümdür."
"İrəlilədikcə onu yeniləyəcəyimizdən və daha çox məlumat göndərəcəyimizü düşünürəm", rəsmi əlavə edib.
Bu nöqtədə kəşfiyyat mübadiləsinin hansı təsirə malik olduğu aydın deyil.
İordaniya və Misir keçən həftə ABŞ prezidenti Co Baydenlə Əmmanda keçirilən sammiti ləğv edərək, partlayışda İsraili günahlandırıb.
Partlayış bütün dünyada fələstinliləri dəstəkləyən nümayişlərlə diqqəti cəlb etməkdə davam edir.
Bu kimi həssas kəşfiyyatın məxfiliyinin açılması və paylaşılması taktikası getdikcə ABŞ-ın oyun kitabının bir hissəsinə çevrilib. ABŞ rəsmiləri bundan ən çox Rusiyanın 2022-ci ilin fevralında Ukraynaya müdaxiləsi ərəfəsində istifadə edib.
Müxtəlif mənbələrdən, o cümlədən peyk görüntüləri, raket fəaliyyəti və ələ keçirilmiş rabitə ilə bağlı məlumatlar, eləcə də ictimaiyyətə açıq olan video və görüntülərə əsaslanaraq, ABŞ kəşfiyyat rəsmiləri “yüksək əminliklə” İsrailin xəstəxana partlayışına görə məsuliyyət daşımadığı qənaətinə gəlib.
Videolara əsasən, ABŞ kəşfiyyatı raketin Qəzza zolağının daxilindən şimal-şərq istiqamətində atıldığını müəyyən edib. Daha sonra raketin uçuşuna təxminən 10 saniyə qalmış motorda problem yaranıb və o, qeyri-sabit olub.
Qəzzanın Səhiyyə Nazirliyi partlayış nəticəsində 500-ə yaxın insanın öldüyünü bildirib. Lakin ABŞ rəsmiləri keçən həftə Amerikanın Səsinə bildiriblər ki, onlar ölənlərin sayının 100 ilə 300 arasında olduğu ehtimal edilir.
ABŞ rəsmiləri geolokasiya üsullarından və digər məlumatlardan istifadə edərək, zərərə səbəb olan raketin Qəzzadan atıldığına və qəzaya uğrayaraq döyüş başlığının xəstəxanaya enməsinə səbəb olduğuna əmindirlər. Amma yenə də deyirlər ki, yeni məlumatlar ortaya çıxsa, diqqətlə araşdıracaqlar. ABŞ kəşfiyyatının yüksək rütbəli rəsmisi "bu məsələ bizim üçün qapanmayıb. Fərqli istiqamətə yönəldəcək əlavə məlumat əldə etsək, bunu da bildirəcəyik".
Forum