ABŞ prezidenti Co Bayden jurnalistlərin iştirakı ilə Demokrat Partiyasının donorlarının qəbulunda çıxış edərkən çinli həmkarı Şi Tsinpini "diktatorlar"la eyniləşdirib.
Kaliforniyanın şimalında keçirilən ianə aksiyasında danışan Bayden Sinin fevral ayında Vaşinqtonun casusluq üçün istifadə edildiyini söylədiyi Çin şarının Amerika hərbi təyyarələri tərəfindən vurulmadan əvvəl ABŞ üzərində uçması hadisəsinə görə qəzəbləndiyini deyib.
"Şi Tsinpin o balonu casus avadanlığı ilə dolu iki cihazla vurduğum üçün çox əsəbiləşməsinin səbəbi onun şarın orada olduğunu bilməməsidir. Mən ciddiyəm. Bu, diktatorlar üçün nə baş verdiyini bilməyəndə böyük biabırçılıq hesab edilir" , Bayden deyib.
Baydenin açıqlamaları ABŞ Dövlət katibi Antoni Blinkenin iki qlobal güc arasında münaqişənin qarşısını almaq üçün kommunikasiya xətlərini bərpa etmək məqsədi daşıyan Pekin səfərini başa vurmasından bir neçə gün sonraya təsadüf edir.
Çin və ABŞ arasındakı çoxşaxəli rəqabət, fevral ayında baş verən hava şarı hadisəsi ilə tam bir diplomatik böhrana çevrilib. Çərşənbə günü Baydenin şərhlərinə cavab verən Pekin onları "açıq siyasi təxribat" kimi qiymətləndirib.
Xarici İşlər Nazirliyinin sözçüsü Mao Nin brifinqdə deyib: "ABŞ tərəfinin müvafiq açıqlamaları son dərəcə absurd və məsuliyyətsizdir, onlar əsas faktları, diplomatik protokolu və Çinin siyasi ləyaqətini ciddi şəkildə pozur. Çin bundan qəti şəkildə narazıdır və qəti şəkildə buna etiraz edir- deyə, o bildirib.
80 yaşında yenidən seçilmək üçün namizəd olan Bayden çərşənbə axşamı Asiya nəhəngi ilə bağlı narahatlıqlarını azaltmağa çalışaraq donorlara "Çinin real iqtisadi çətinlikləri olduğunu" deyib.
Bayden "indi Çinin yenidən münasibət qurmaq istədiyi bir vəziyyətdə olduğunu" bildirib.
Blinken Pekinə səfərində "yaxşı iş gördü", lakin "bu, vaxt aparacaq" - deyə, Bayden əlavə edib.
ABŞ prezidenti kommunistlərin idarə etdiyi Çinlə bağlı daha bir xoşagəlməz məqamı gündəmə gətirib: Bu yaxınlarda keçirilən sammitdə Avstraliya, Hindistan, Yaponiya və ABŞ liderlərinin Asiya-Sakit Okean dənizində sülh və sabitliyi gücləndirməyə çalışdığını vurğulayıb.
Baydenin sözlərinə görə, dörd ölkə "Cənubi Çin dənizi və Hind okeanında əlbir olaraq işləyir".
"Onun (Şinin) həqiqətən üzüldüyü o idi ki, mən dördlük adlandırılan qrupu bir araya gətirməyimizdə təkid edirdim," Bayden deyib.
Çərşənbə axşamı günü açıqlamalar Baydenin maliyyə toplanışı və adətən kameraların qadağan olunduğu, lakin jurnalistlərin prezidentin açılış nitqlərini dinləyə və transkripsiya edə biləcəyi kiçikmiqyaslı tədbirlərdə əhəmiyyətli, hətta təxribat xarakterli bəyanatlar verdiyi ilk dəfə deyildi.
Məsələn, ötən ilin oktyabrında belə tədbirlərdən birində Bayden Rusiyadan gələn nüvə "Armageddon" təhlükəsindən danışmışdı.
