Şahidlərin dediyinə görə, 1 milyona yaxın insanı didərgin salan və Xartum sakinlərini sağ qalmaq üçün mübarizə aparılarkən yaxınlığındakı hərbi düşərgəd toqquşmalar baş verib. Sudanın paytaxtının cənub bölgələrinə güclü hava zərbələri endirilib.
Şahidlərin dediyinə görə, ordunun yarımhərbiləşdirilmiş Çevik Dəstək Qüvvələrini (RSF) hədəf alan hava hücumları Xartumun cənubundakı bir neçə yaşayış məhəlləsi, o cümlədən Taiba düşərgəsi yaxınlığında eşidilib. Ordu ilə birləşmiş polis ehtiyat qüvvələri quruda RSF ilə döyüşüb.
General Andel Fəttah Əl-Bürhanın başçılıq etdiyi Sudan ordusu general Məhəmməd Həmdan Daqalonun başçılıq etdiyi hərbiləşdirilmiş Çevik Dəstək Qüvvələrinə qarşı döyüşür.
Bu iki general 2021-ci ilin oktyabrında 2019-cu ildə uzun müddət lider olan Ömər Bəşirin devrilməsindən sonra mülki hakimiyyətə keçidinə mane olan hərbi çevrilişi birlikdə təşkil edən keçmiş müttəfiqlərdir.
Aprelin 15-də başlayan döyüşlərdən sonra Xartum və ona bitişik Bahri və Omdurman şəhərlərinin böyük ərazilərinə yayılan RSF-ni geri çəkməyə çalışarkən ordu əsasən hava gücü və ağır artilleriyadan istifadə edib.
Döyüşlər 840 min insanı evlərindən didərgin salıb və 220 min insanı qonşu ölkələrə keçməyə məcbur edib.
BMT-nin Ümumdünya Ərzaq Proqramı 4,9 milyon həssas insana, habelə Çad, Misir və Cənubi Sudana qaçanlara yardım üçün Sudanda ən azı altı ştatda əməliyyatlarını gücləndirdiyini deyib.
Birləşmiş Millətlər Təşkilatı çərşənbə günü ötən ay Sudanda başlayan münaqişənin təsirinə məruz qalanlar üçün 3 milyar dollarlıq yardıma çağırış edib.
BMT-nin humanitar agentliyi hələ də Sudanda olanlara yardım etmək üçün 2.6 milyard dollara ehtiyacının olduğunu deyib və bildirib ki, ölkədə 25 milyon insanın humanitar yardım və qorunmaya ehtiyacı var.