Azərbaycan müdafiə naziri Zakir Həsənov Türkiyə milli müdafiə naziri Hulusi Akarla birgə “Anadolu Qartalı 2023” beynəlxalq taktiki-uçuş təlimini izləyib
Türkiyə mediasının məlumatına görə müdafiə nazirləri təlimləri Anadolu Qartalı Təlim Mərkəzində izləyəcəklər.
Türkiyə Respublikasının Konya şəhərində keçirilən “Anadolu Qartalı – 2023” beynəlxalq taktiki-uçuş təlimində növbəti tapşırıqlar icra olunub.
Müdafiə Nazirliyinin məlumatına görə Azərbaycan Hərbi Hava Qüvvələrinin pilotları Su-25 hücum və ikiyerli təlim-döyüş F-16 qırıcı təyyarələrində türkiyəli pilotlarla birgə uçuşlar, eləcə də plana uyğun müxtəlif tapşırıqlar yerinə yetiriblər.
"Təlim uçuşları zamanı pilotlar F-16 tipli təyyarələrin idarə olunması üzrə bilik və bacarıqları, uçuş heyətinin ümumi hazırlığı yoxlanılıb", məlumatda qeyd edilir.
Təlim zamanı aviasiya vasitələrinin qısa intervalda nümunəvi uçuşları icra olunub, Türkiyə Hərbi Hava Qüvvələrinin "Solo Türk" və "Türk Yıldızları" aviaqrupu müxtəlif manevrlər ediblər.
