İraqın nüfuzlu şiə din xadimi və siyasi lideri Müqtəda Əl-Sədr cümə günü bəzi davamçıları arasında "korrupsiya" səbəbini əsas gətirərək, rəhbərlik etdiyi hərəkatı bir il müddətinə dayandıracağını açıqlayıb.
Özünü "Hərəkatın Sahibləri" adlandıran Sədrin hərəkatındakı bir qrup Əl-Sədrin 1000 ildən çox əvvəl yoxa çıxan və dünyada pisliyə qalib gəlmək üçün orduya rəhbərlik məqsədi ilə geri dönəcəyi gözlənilən şiə dini lideri İmam Mehdi olduğuna inanır.
İraqın Ali Ədliyyə Şurası təhqiqat məhkəməsinin dağıdıcı bir "quldur dəstəsi" kimi təsvir etdiyi "Hərəkatın Sahibləri"nin 65 üzvünün şəxsin həbsinə qərar verdiyini açıqlayıb.
Əl-Sədr Twitter hesabından verdiyi açıqlamada "Mən İraq üçün islahatçı olmaq istəyirəm və Sdr hərəkatında islahat apara bilmərəm" deyib. O əlavə edib ki, cümə namazı kimi dini fəaliyyətlər istisna olmaqla, hərəkatın bütün fəaliyyətini donduracaq.
Əl-Sədr yeni Nazirlər Kabinetinin formalaşmasında təxminən bir il davam edən çıxılmaz vəziyyətdən sonra keçən avqust ayında siyasətdən istefa verib. Onun partiyası 2021-ci ilin oktyabrında keçirilən parlament seçkilərində yerlərin çoxunu qazansa da, bu, hökumətdə əksəriyyəti əldə etmək üçün kifayət etməyib.
Əl-Sədrin İran tərəfindən dəstəklənən şiə rəqibləri ilə danışıqlardan imtina etməsi və daha əvvəl danışıqlardan çıxması şiələrarası çəkişmələrin güclənməsi fonunda ölkəni siyasi qeyri-müəyyənliyə və dəyişkənliyə sürükləyib.
Əl-Sədr siyasətdən istefa verdiyini elan etdikdən sonra onun yüzlərlə qəzəbli tərəfdarı hökumət sarayına basqın edərək təhlükəsizlik qüvvələri ilə toqquşub. Azı 15 etirazçı həlak olub.
Əl-Sədr millətçi ritorika və islahat vədləri ilə bir çoxu İraq cəmiyyətinin ən yoxsul təbəqələrindən insanların rəğbətini qazanıb. Onun tərəfdarlarının çoxu şiə müsəlmanların hörmətli şəxsiyyəti olan atasının ilk tərəfdarları olub.
