Formula 1 Azərbaycan Qran Prisinin müqavilə müddətinin uzadılması ilə bağlı danışıqlar gedir. Bu barədə Bakı Şəhər Halqası (BŞH) Əməliyyat Şirkətinin mətbuat katibi Turab Teymurov verdiyi açıqlamasında bildirib.
Müqaviləyə əsasən Formula 1 Azərbaycan Qran Prisinin sonuncu ilidir.
"Ancaq müqavilə müddətinin uzadılması ilə bağlı danışıqlar gedir. Ümidvarıq ki, Azərbaycan Qran Prisi keçirilməyə davam edəcək. Çünki Formula 1-in iqtisadi və sosial baxımdan faydaları çoxdur. Danışıqlar barədə yekun məlumatlar olan kimi ictimaiyyətlə bölüşüləcək," Teymurov vurğulayıb.
Azərbaycan Formula 1 yarışlarına 2016-cı ildən ev sahibliyi edir. Yeddinci dəfə Bakıda təşkil olunacaq Qran-pri 2023-cü ildə aprelin 28-30-da keçiriləcək.
Təşkilatçı tərəflə bağlanan müqaviləyə əsasən, Azərbaycan hələ 2024-ci ilə kimi bu yarışlara ev sahibliyi etməlidir.
