Rusiyanın dünyanın müəyyən bölgələrini hədəf alan dezinformasiya kampaniyası sayəsində bəzi ölkələrdə Ukraynaya hərbi müdaxilə "xüsusi hərbi əməliyyat" kimi təqdim edilir.
ABŞ və Avropa İttifaqında Rusiyanın dezinformasiya kampaniyaları haqqında çox yazılıb. Lakin analitiklər deyirlər ki, Rusiyanın ictimai rəyi ələ keçirmək cəhdlərinin hədəfi təkcə Qərb ölkələri deyil.
Radityo Dharmaputra İndoneziyanın Airlangga Universitetində Rusiyanın Asiya siyasəti üzrə ekspertdir.
"Əvvəlki kimi Qərbi hədəf almaq əvəzinə, cənubdakı bu ölkələri hədəf alırlar: Afrika ölkələri, Cənub-Şərqi Asiya, Latın Amerikası" – deyə, o bildirib.
Russia Today və ya RT Rusiyanın dövlət nəzarətində olan ən tanınmış media orqanıdır. Rusiya Ukraynanı işğal etdikdən sonra Aİ və Kanada təşkilatı qadağan etdi. ABŞ RT-yə qadağa qoymadı, lakin Amerikanın böyük kabel şirkətləri onun yayımını dayandırdı.
"Russia Beyond the Headlines" daha az tanınan, hökumət tərəfindən maliyyələşdirilən media platformasıdır. İnandırma baxımından RT-dən daha incə mövqe tutsa da, o, rus mədəniyyətinə və kimliyinə diqqət yetirir və tamaşaçılara öz dilində təqdim olunur. Əsasən müsəlmanlardan ibarət olan İndoneziya üçün İslam böyük əhəmiyyətə malikdir.
"Rusiya illərdir Rusiyanı İslamın dostu kimi təqdim etməyə çalışır" – deyə, Radityo Dharmaputra bildirir.
Rusiyanın İndoneziyadakı media səyləri 2015-ci ildə onun Suriyadakı vətəndaş müharibəsinə hərbi müdaxiləsindən sonra güclənib və bu, güclü əks-səda doğurub. Onun cazibədar hücumu Ukrayna münaqişəsinə qədər davam edib.
"Düşünürəm ki, onlar başa düşürlər ki, 'Ah, bu, həqiqətən işləyir', çünki bu, İndoneziya sosial mediasının başlanğıcında əsas mesajdır. Söhbət Qərbdən, Ukraynadan yox, Rusiyanın İslamla kifayət qədər mehriban olmasından gedir" – deyə, ekspert qeyd edib.
Təhlükəsizlik mütəxəssisləri qeyd edirlər ki, İndoneziyada istifadə olunan bu üsul Asiyanın başqa yerlərində, eləcə də Afrika və Latın Amerikasında da istifadə olunur.
Kayl Volter səhv və dezinformasiya ilə mübarizə aparan Logically şirkətində araşdırma və fikir şöbəsinin rəhbəridir.
"Onlar Afrika kimi yerlərdə və Cənub-Şərqi Asiya kimi yerlərdə etdiklərini Qərbin müstəmləkə tarixinə yönəldirlər və bundan gələcəkdə Rusiyanı strateji tərəfdaş kimi təqdim etmək üçün istifadə edirlər" – deyə, Volter bildiririb.
Media məlumatlılıq təşkilatı Debunk.org-a görə, Rusiya hökuməti 2021-ci ildə nəzarət etdiyi media platformalarını maliyyələşdirmək üçün 1,5 milyard dollar ayırıb.
Bu məbləğ 2022-ci ilin yanvar-mart ayları arasında əvvəlki ilin eyni dövrü ilə müqayisədə üç dəfə artıb.