Azərbaycan vətəndaşları qanunsuz yolla Türkiyədən ümumi dəyəri yarım milyon laridən artıq (186,705 ABŞ dolları) olan 6 kiloqrama qədər qızıl-zinət əşyalarını Türkiyədən keçirməyə cəhd ediblər.
Bu barədə Gürcüstan Maliyyə Nazirliyinin istintaq xidmti məlumat yayıb.
Məlumatda deyilir ki, ilin əvvəlindən Sarpi keçid məntəqəsində (Türkiyə-Gürcüstan sərhədi) 3 dəfə belə cəhdlər aşkarlanıb. Onlar Türkiyədən Azərbaycana tranzit keçən avtomobillərlə gömrük nəzarətindən yan keçərək bəyannaməsiz qızıl keçirməyə cəhd ediblər.
İşlər Gürcüstan Cinayət Məcəlləsinin 214-cü maddəsinin 2-ci hissəsi - 5 ildən 7 ilədək müddətə azadlıqdan məhrum etmə ilə araşdırılır.
