ABŞ-ın Azərbaycandakı müvəqqəti işlər vəkili Hugo Gevara Dünya Azərbaycanlılarının Həmrəyliyi Günü və Yeni il bayramı münasibəti ilə Azərbaycan xalqına təbrik ünvanlayıb. Təbrik video müraciət formatında yayılıb.
Təbrikdə deyilir: “Dünyada məşhur olan Azərbaycan Milli Xalça muzeyindən başlayaraq Azərbaycanı daha çox kəşf etməkdə mənə qoşulun. Bakıda olduğum gözəl zamanda Azərrbaycan xalqının mehribanlığı və qonaqpərvərliyi məni heyran edib. Həm də yeni il üçün qərar qəbul etmək zamanıdır. 2023-cü ildə Azərbaycan mətbəxi, adətləri və mədəniyyəti haqqında daha çox öyrənəcəyimə ümid edirəm. ABŞ-ın Azərbaycandakı səfirliyinin kollektivi adından hamınızı Dünya Azərbaycanlılarının Həmrəyliyi Günü və Yeni il bayramı münasibəti ilə təbrik edirəm”, o qeyd edib.
