Azərbaycan vətəndaşları üçün 2023-cü ilin payız/2024-cü ilin yaz ayları üçün Peşəkar Təqaüd Proqramına (PFP) müraciətlər açıq elan edilib. Proqramda iştirak üçün son müraciət tarixi 31 yanvar 2023-cü ildir.
Bu barədə ABŞ-ın Azərbaycandakı Səfirliyi məlumat yayıb.
"Peşəkar Təqaüdçülər Proqramı (PFP) qarşılıqlı anlaşmanı təşviq etmək, liderlik və peşəkar bacarıqları artırmaq, eləcə də xarici ölkələrdən və ABŞ-dan olan orta səviyyəli inkişaf etməkdə olan liderlər arasında davamlı tərəfdaşlıq qurmaq üçün nəzərdə tutulmuş qlobal mübadilə proqramıdır. PFP iştirakçıları fərdi olaraq uyğunlaşdırılmış peşəkar inkişaf təcrübəsi üçün qeyri-kommersiya təşkilatlarında, özəl sektor bizneslərində və Birləşmiş Ştatlarda dövlət idarələrində intensiv 5-6 həftəlik təqaüdlərə yerləşdirilir. Onlar Amerika təşkilatları və digər proqram iştirakçısı həmkarları ilə geniş şəbəkə qurur," səfirliyin məlumatında bildirilir.
