Rusiya-Ukrayna müharibəsi zamanı valideyn himayəsindən məhrum olan bir qrup ukraynalı uşaq Bakıda psixoloji reabilitasiya keçir.
Reabiltasiya Heydər Əliyev Fondu və Səhiyyə Nazirliyinin dəstəyi ilə həyata keçirilir.
Heydər Əliyev Fondunun məlumatına görə, avqustun 21-də 7-17 yaş arasında olan valideyn himayəsindən məhrum 28 uşaq və onları müşayiət edən 4 nəzarətçi Bakıya gəlib.
Ukraynalı uşaqlar Səhiyyə Nazirliyinin Sanator-Kurort Reabilitasiya Mərkəzinə yerləşdirilib. Burada 21 gün ərzində uşaqlara psixoloji və ehtiyac olduqda tibbi reabilitasiya xidmətləri göstəriləcək.
