ABŞ-ın Ukraynadakı səfiri Bridcet Brink bu həftə Kyivdə Amerikanın Səsi ilə söhbətində Kyivə qayıdarkən qarşısına beş məqsəd qoyduğunu deyib.
May ayında Ukraynaya səfir kimi təsdiq edilən Brink Amerikanın Səsinin Şərqi Avropa Bürosunun rəhbəri Miroslava Qonqadze ilə ABŞ-ın Ukraynaya dəstəyini, prioritetləri və Rusiyanın davam edən işğalı fonunda çətinlikləri müzakirə edib. O, Ukraynanın özünümüdafiəsinə kömək etməkdən tutmuş may ayında ABŞ səfirliyinin yenidən açılması ilə bağlı beş məqsəd qoyduğunu deyib.
Amerikanın Səsi: Müharibə zamanı buraya necə gəldiyinizi deyə bilərsinizmi? Və hazırda bu ölkə qarşısında və bu ölkəyə dəstək verən ABŞ qarşısında hansı problemlər var?
ABŞ-ın Ukraynadakı səfiri Bridcet Brink: Burada olmaqdan və yenidən ABŞ səfiri kimi olmaqdan və amerikalılar və ukraynalılardan ibarət fantastik komanda ilə işləməkdən necə qürur duyduğumu sizə deyə bilmərəm. Mən gələndə qarşıma beş məqsəd qoydum, Birincisi, Ukraynanın özünü müdafiəsinə kömək etməkdir. İkincisi, müharibə cinayətləri və vəhşiliklər üçün hesabatlılığın və ədalətin təmin edilməsinə kömək etməkdir. Üçüncüsü, humanitar yardımın, xüsusən də ABŞ tərəfindən maliyyələşdirilən yardımın münaqişə zonalarında hədəf alınanlara çatmasını təmin etməkdir. Dördüncüsü, ABŞ-ın bu böyük məbləğdə yardımına nəzarət etmək və buradan Kyivdəki postda müvafiq nəzarəti təmin etməkdir. Və sonuncu və ən əyləncəlisi komandamızı, səfirliyi təşkil edən amerikalıları və ukraynalıları bir araya gətirmək və platformamızı yenidən qurmaqdır. Beləliklə, bəli, Ukraynanın qarşısındakı çağırışlar çox böyükdür və hamımızın qarşısındadır, lakin biz həqiqətən qətiyyətliyik və onları qarşılamağa hazırıq.
Amerikanın Səsi: Prezident (Co) Bayden dünən Ukraynaya əlavə maliyyə ayrılacağını açıqladı. ABŞ Ukraynaya hərbi və maliyyə cəhətdən ən böyük dəstək verən ölkə olub. Siz bu ölkədə pulların necə istifadə olunmasına nəzarət etdiyinizi qeyd etdiniz. Hazırda pula nəzarət etmək üçün hansı sistemə sahibsiniz?
Brink: Təhlükəsizlik yardımı da daxil olmaqla, verdiyimiz bütün yardımlar üçün çoxdan qurulmuş sistemlər var. İndi gördüyümüz iş sadəcə əmin olmaqdır... biz burada Kyivdə lazım olan rolu oynayırıq, Müdafiə Nazirliyi və Ukrayna hökumətinin digər hissələri ilə işləyirik, buna görə də bu, vacibdir. Biz bu və digər səbəblərə görə buradayıq. Amma mən əminəm ki, biz bunu bacaracağıq.
Amerikanın Səsi: ABŞ-ın Ukraynaya verdiyi dəstəyə nəzarət edəcək xüsusi nümayəndə varmı?
Brink: Bizim səfirliyimiz olacaq - və buna görə də, mən səfir kimi burada olmaqdan çox şadam - və sonra mənim xüsusi işçilərim olacaq, o cümlədən bu məqsədlərə sadiq olan yüksək səviyyəli işçilər, və daha çox.
Amerikanın Səsi: Və Prezident (Volodimyr) Zelenski ABŞ-ın kifayət qədər etmədiyi və ya çox gec etdiyinə işarə etdi. Onun mövqeyini necə şərh edərdiniz?
Brink: Mən deyərdim ki, müharibə başlayandan və ondan əvvəl də biz bütün diqqətimizi Ukraynaya lazım olan silahlardakı təhlükəsizlik ləvazimatlarını mümkün qədər tez almağa yönəltmişik. Bu, əslində mənim bura gəlməkdə bir nömrəli məqsədimdir. Düşünürəm ki, əvvəllər bəzi problemlər var idi və mən sadəcə olaraq buradayam ki, bizim gördüyümüz hər şey birbaşa cəbhə xəttində ukraynalıları dəstəkləmək və həmçinin Ukraynaya döyüş mövqeyini yaxşılaşdırmaqda kömək etmək, habelə münasib olduğu an danışıqlar keçirməkdir.