Con Hopkins Zədələrin Tədqiqi və Siyasəti Mərkəzinin direktoru Şennon Frattarolinin sözlərinə görə, COVID-19 pandemiyası zamanı yol hərəkəti və narkotik maddələrdən ölüm halları kəskin şəkildə artıb, bu, daha çox amerikalıları riskli davranışlara sövq edir.
"Biz cəmiyyətimiz və demokratiyamız haqqında böyük qeyri-müəyyənliyin və böyük sualların olduğu bir dövrdə yaşayırıq. Pandemiyanın ortaya qoyduğu bir çox şey cəmiyyətimizdəki zəifliklərimiz və problemlərimizdir və onlar son bir neçə ildə olduqca kəskinləşib. … Beləliklə, bütün bu amillər bir araya gəlir və hər kəs üçün həyatı çox çətinləşdirir" - deyə, Frattaroli bildirib.Təhlükəli yollar
Pandemiyanın ilk ilində daha az adam avtomobil idarə etsə də, bu müddət ərzində ABŞ yollarında 38 000-dən çox insan ölüb ki, bu, 2007-ci ildən bəri ən yüksək rəqəmdir.
Milli Təhlükəsizlik Şurasının vitse-prezidenti Mark Çunq Amerikanın Səsinə elektron poçtla "Ölümlə nəticələnən avtomobil qəzaları pandemiya daxilindəki epidemiyadır. Bu artım COVID-19 pandemiyasının başlanğıcı zamanı baş qaldıran ölümcül bir tendensiyadır və ABŞ yollarında ölümün qarşısının alınmasındakı 15 ildən çox irəliləyişi inkar edir" - deyə, o əlavə edib.
2020-ci ildə sürülən kilometrlərin sayı 13% azalıb, lakin təhlükəsizlik kəməri taxmayan insanlarla əlaqəli ölüm halları 15%, spirtli içkilərlə əlaqəli yol qəzaları isə 9% artıb.
Qaradərililər üçün yol-nəqliyyat nəticəsində ölüm nisbəti olduqca dəhşətlidir və bu, ümumi ölüm nisbətindən üç dəfədən çoxartıb.
NSC deyir ki, sürücülərin qaradərili piyadalara və velosipedçilərə daha az tabe olma ehtimalı ağ piyadalara və velosipedçilərə nisbətən daha azdır. Qara piyadalar da avtomobillərin onlara keçməsini ağ piyadalara nisbətən daha çox gözləyirlər.Hədsiz doza qəbulu
Xəstəliklərə Nəzarət və Profilaktika Mərkəzinin bildirdiyinə görə, 2020-ci ilin mayından 2021-ci ilin aprelinə qədər 100 000-ə yaxın amerikalı həddindən artıq dozada narkotik qəbulundan ölüb. Bu, bir il üçün rekord göstəricidir və əvvəlki ilə nisbətən 30%-lik bir artımdır.Narkotiklərdən həddindən artıq dozası nəticəsində ölüm halları da daha yüksək ola bilər, belə ki, insanların pandemiya zamanı müalicə və digər yardımlara çıxışı daha azdır. Narkotik istifadəsi ilə bağlı stiqma bəzi insanların yardım istəməsinə mane ola bilər.
