İŞİD-ə məxsus intiharçılar Liviyanın şimalında əsas neft mədənlərinə hücum etmiş, lakin geri oturdulmuşlar, deyə hökumət rəsmiləri xəbər verir.
Hücumlar Əl-Sidra neft ixracı terminalını hədəf alıb. Bu hücumda iki əsgər həlak olub.
İŞİD bir neçə həftədir ki, şərqi Sirte şəhərindən neft terminallarının yerləşdiyi Əl-Sidra və Ras Lanufa yetişməyə cəhd göstərir. Bu ərazi Liviyanın "neft ayparası" adlanır.
İŞİD Twitter-də elan edib ki, onun döyüşçüləri “Allahın düşmənlərinə qarşı Əl-Sidrada hücum həyata keçirib.”
